真相──相學口述篇
頭長而方富貴久長，頭長而圓衣祿綿綿。<br>頭部長而方，長而圓、並唔係淨止長帶方，長而帶圓，重包括前額、頂門、後枕、側腦四個部份，有呢四個部份而又飽滿的，富貴長久，絕不出奇，例如林肯，頭長而圓就缺乏腦門，所以無貴。<br>頭短而圓終有衣祿，頭短而扁困頓難免。<br>短而圓就係缺乏頭頂腦門，可以有富，但係無貴，頭頂唔夠飽滿，求貴始絡差，扁即係無後尾枕，無枕骨就蝕底，平晒的，四十歲後就好有問題，就要耳後有骨就可避免事業破敗。<br>頭若扁生早歲迍邅，頭若偏生中年破敗。<br>扁生即係最重要四個部份，唔夠飽滿，呢度話早歲彖煎，就一定係前額凹陷。偏生即係斜、歪、呢度話中年破敗，即係左右顴骨有高低，要去到敗就一定係高低或者大細面好明顯。 <br>頭有兩角必有官祿，頭有四角其貴非常。 <br>書上面多數話頭，其實應該係額先至，兩角即係日月角，日月角起並唔係真係有兩隻角，而係日月角部位飽滿，好似亞松，但係如果露骨就刑?父母，頭有四角即係日月角加輔角，亦即係包括埋官祿位同埋印堂，就一定有權力。 <br>頭大無角不是粗人便是木作。 <br>頭大，係講過大，圓周應該係２４吋，女人就２２吋，過大過細都係唔好，粗人即係體力勞動，木作即係手藝，以前的觀念除靠老婆賣首飾供佢讀書就係最好之外，其他自己搵錢讀書都係低級。 <br>有日月角骨無輔骨者，有輔骨無日月角骨者。 <br>有日月角骨即天庭位飽滿，但額部左右瀉，形碩凸，如果中線飽滿，則少年得志，但係以後點樣就唔知，但多數都起落好大，有輔骨而無日月角骨即天庭位破，但仍然係有前途的。 <br>無日月角骨與輔骨僅得額圓者，有日月角骨輔者。 <br>額圓者多數係商人，因為額無輔角表示配偶父母對你無助力，無日月角父母無助力，最有可能就係白手興家。有日月角而又有輔骨，出身家庭一定有番咁上下。 <br>有邊地骨無日月角骨輔骨者，邊地骨日月角骨輔骨皆起者。 <br>邊地即額邊有骨即額廣?，雖然唔飽滿，但勝在人聰明，諗野快，有邊地骨而又有日月角更加埋輔骨，即係話呢個人１８歲就開始行運，要氣長久就一定要加上後枕骨夠厚，如果淨係有前無後，只係一陣風光。 <br>頭方頂高居尊天子，額方頂起輔弼良臣。 <br>頭方要夠長，包括前後左右骨要厚，加上頂門，即係天靈蓋高，主事業長久，額方即係額如壁立，有分辨是非能力，亦夠忠心。 <br>頭大碩闊王侯相，虎頭燕頷封博望。 <br>博望侯係張騫出使西域的封號，額開闊好似把扇就叫虎頭，頦即係下巴，頤即係腮幫，下巴豐滿同頤相連叫燕頷，有呢Ｄ形格想無福都難。 <br>頭長面長衣祿相當，頭短面長覓食他鄉。 <br>頭長即係厚，頭厚面長即係成個頭好飽滿，一定出生於良好環境，頭短即係薄，後尾枕骨薄就一定早出離家搵食。 <br>頂平頭圓額又方早歲姓名揚，腦後橫生頂又平官祿倍增榮。 <br>頂平唔平唔緊要，額方圓即係天庭飽滿，得父蔭，好後生就有名氣，但係要長久保持就要腦後橫生，即係後尾枕骨要厚，未見過無後尾枕骨的人到中晚年仍然富有的。 <br>頂骨連鼻文拜相，脊骨連枕武封侯；頭圓頂方還多福，頭尖頸細憂貧。 <br><br> 楼主来点介绍好不好 真相──相學口述篇 真是真相？ 不错下来看看 作者是谁？
页:
[1]