風水師搞公會 蘇民峰唔埋堆
風水師令人諗起乜？爭產、情慾、招謠撞騙？城中80多名風水師覺得「陳振聰事件」令風水師形象插水，正籌備成立行業組織「道教玄學會」，內有一個紀律聆訊委員會。「發起人」之一吳佩孚話，「第時有個渠道畀香港人投訴風水師，希望有官員、商界做委員」。不過，人氣風水師蘇民峰就質疑個會係行業自我監管，企硬唔會加入。蘇民峰：監管應考試發牌
一向牙擦蘇民峰話：「你話我知點監管？風水界根本冇個泰山北斗主持公道。第二時有風水師畀人投訴，佢只要自辯話：『呢係我祖傳術數，你?唔識。』就推得一乾二淨，什麼高官商界都奈佢唔何。」蘇師傅覺得，如果做監管就要先引入考試發牌制度，「如果唔係有乜監管準則？」
牙擦蘇又話，至今無人叫佢加入個會，但佢亦「請都唔會入」。風水界是非多籮籮，蘇民峰直認：「係呀，個個都覺得自己係大師、至高無上，我都係退隱江湖好。」
吳佩孚：風水工作導人向善
幫手穿針引線吳佩孚就覺得搞個會係好事：「風水師唔係??講錢，我?要畀人知道，工作係導人向善。」其他答應加入風水師包括麥玲玲、李丞責、黃震宇等，主席一職就由早前法庭代表華懋與陳振聰過招司徒法正擔任。吳佩孚話﹕「司徒法正知名度高、又好活躍，但唔代表佢武功特別高強。」吳佩孚自己就堅持唔做任何職務：「我費事惹是非。」不過講時講，如果第二時陳振聰要求入會，唔知會唔會畀佢加入呢？ 搞个「道教玄學會」，內有一個紀律聆訊委員會,
如何監管是一个大問题? 回复 1# door
唉, 搵個法科風水師來做攪手, 你便知道是甚麼東西了, 況且, 以甚麼來做標準. 香港人说的话和字，有的地方看不懂是啥意思啊？？？ 比如 唔知會唔會畀佢加入呢？ 这是什么意思？ 回复 1# door
哈哈, 希望不是閙劇收場. 香港人说的话和字，有的地方看不懂是啥意思啊？？？ 比如 唔知會唔會畀佢加入呢？ 这是什么意思？
yfss 发表于 2010-9-9 11:13 http://www.fengshui-168.com/images/common/back.gif
不知道给不给他加入呢？ 搵個法科風水師來做攪手, 你便知道是甚麼東西了
页:
[1]