马上注册，结交更多好友，享用更多功能，让你轻松玩转社区。
您需要 登录 才可以下载或查看，没有账号？註冊
x
萬眾期待白色版iPhone4，傳聞最快下月先面世，本港幾時會有首批「水貨」仍屬未知數，但原來「紙貨」已一早有售，但用唔用到就真係靠個「信」字喇，皆因呢部係燒畀先人紙紮電話。
Emily噚日同班骨灰龕行家傾開，先知原來家紙紮祭品都好追得上科技潮流，好似之前人人都話要買番部iPad，香港7月底先有行貨，但「紙貨」iPad8月已經開售，賣300幾蚊一部，紙紮白色iPhone4就貴，要成900幾蚊一部，但製作都好認真，有耳筒、叉電器、電話插座連盒，部機仲有成800GB，真係下載乜都唔怕爆機啦，聽講仲幾受歡迎！
紙紮豪宅 連家具裝飾4萬蚊
咁有諗頭紙紮原來產自台灣一間叫做Skea公司，所以iPhone、iPad，全部都改名叫做sPhone、sPad，典型蘋果標誌，就改個黑白太極標誌。呢間公司出產紙紮屋都好鬼靚，十足十樓盤模型一樣，連精緻家具裝飾不特止，仲會因應客人喜好，餐?整埋份先人最鍾意食大餐，真係睇到Emily「嘩嘩聲」，但一睇大屋價錢，盛惠4萬蚊！
白色iPhone4「紙貨」麵世.jpg--真貨未見，紙紮品已經推出。白色紙紮iPhone 4，一部盛惠900大元，仲有白色iPad揀。 |
发表于 2010-9-15 17:04:04
楼主
